عارفين ليه .... ؟؟

عمرك حسيت انك تايه ومش عارف تعمل ايه؟



عمرك حسيت انك فعلا مالكش حد تلجأ له وان بجد الوحيد اللى ممكن تلجأله انت مكسوف منه؟

عالعموم ما تقلقش مش انت الوحيد اللى كده

حد فيكوا يعرف سيدنا آدم لما اكل من الشجرة عمل ايه بعدها؟



جرى فضل يجرى يجرى طبعا فى الجنه فربنا عز


وجل قال له (افرارا منى يا ادم ) فقال له سيدنا آدم لا


يا رب ولكن حياءا منك




طيب مسألناش نفسنا سيدنا آدم عمل كده ليه لان معظمنا بيغلط وما بيحسش انه عمل حاجه غلط اصلا فمحتاج يتكسف منها قصدى بغلط ذنب طبعا

عارفين ليه احنا ما بنهتمش بصغائر الذنوب ؟


لاننا بنغتر بانفسنا وبيغررنا الشيطان بقوله ان رحمت ربك وسعت السماوات والأرض بس


كلنا بننسى (انى لا يظلم عندى أحد)


وكلنا بننسى (فمن يعمل مثقال ذرة خيرا يره ومن يعمل مثقال ذرة شرا يره)


وكلنا بننسى ان الثانيه الواحده ايماننا فيها اما بيزيد او بينقص


وطبعا عارفين ان فى الكتاب بتاع كل واحد فينا النظرة بتبقى موجوده


فتخيلوا بقى صغائر الذنوب هاتبقى كتيره اد ايه


وتخيلوا اننا اعتدنا على صغائر الذنوب حتى اصبحت كبائر الذنوب هى الذنوب اللى فى حياتنا

تخيلوا يوم العرض لما نلاقى ان صحيفة الذنوب ثقيله اوى وصحيفه الحسنات خفيييييييييييييييييييفه


وتلاقى ربنا بيقول لك جل شانه يا عبدى او يا امتى ابقى لك شىء فنقول لا يارب


وساعتها نبقى بنندم من جوانا على كل حاجه صغيره عملناها فى حياتنا





تخيلوا الاحساس ده وربنا بيقول لنا يا عبدى او يا امتى اظلمك كتبتى فنقول لا يا رب فيسالنا تانى يا عبدى ابقى لك شىء

فلنحذر الذنوب صغائر الذنوب وكبائرها ولنتذكر ان الله يغفر كل شىء الا ان يشرك به وكمان نفتكر ان الله يغفر للعبد اذا تاب مالم يغرغر

واخيرا اقول لكم ولنفسى استغفروا الله يغفر لكم واستهدوه يهدكم واستطعموه يطعمكم واسالوه يعطكم فان الله يستحى ان يرفع العبد له يديه فيردهما صفرا خائبتين





اللهم آمين